Ուկրաինան հայտարարել է, որ «հաղթում են»

Ռուսաստանի հետ պատերազմի հինգերորդ օրը Ուկրաինայի ռազմական ղեկավարությանը հաջողվել է սկսել ռազմական նախաձեռնությունը զավթելու գործընթացը։ Մինչ օրս Ուկրաինա ներխուժելու ռուսական ծրագրի նպատակներից ոչ մեկը չի իրականացվել․ հայտարարել է Ուկրաինայի ազգային անվտանգության և պաշտպանության խորհրդի քարտուղար Սերգեյ Դանիլովը։

Նրա խոսքով՝ զրահապատ մեքենաների շարասյուների կայծակնային անցումը Ուկրաինայի տարածքի խորքերը, ենթակառուցվածքի օբյեկտների ոչնչացումը, խոշոր քաղաքների շրջափակումը, նյութատեխնիկական կապերի ոչնչացումը ձախողված են։

«Դիմադրություն է եղել բոլոր ճակատներում: Բայց ծանր մարտերը շարունակվում են»,- գրել է Դանիլովը։

Նա ասել է, որ ուկրաինական ազգային մոբիլիզացիան, ագրեսիային դիմադրությունը օրեցօր աճում և ուժեղանում է:

«Ամեն օր մենք ավելի մոտ ենք մեր վերջնական հաղթանակին»,- հայտարարել է Դանիլովը: