Ուկրաինան ամենաբարձր մակարդակով հայտարարել է Պուտինի և Զելենսկիի հանդիպման նախապատրաստման մասին

Ուկրաինայի առաջին փոխվարչապետ Ալեքսեյ Լյուբչենկոն РИА Новости-ին ասել է, որ հանրապետության նախագահ Վլադիմիր Զելենսկիի և Ռուսաստանի առաջնորդ Վլադիմիր Պուտինի հանդիպման նախապատրաստական աշխատանքներն ընթանում են ամենաբարձր մակարդակով:

Լյուբչենկոն չի պատասխանել, թե երբ և որ երկրում կարող է տեղի ունենալ հանդիպումը: Մոսկվայում այն անցկացնելու հնարավորության մասին հարցին՝ առաջին փոխվարչապետը գլխով բացասական ժեստ է արել: Հանդիպման կոնկրետ վայրը հստակեցնելու հորդորին ի պատասխան՝ պաշտոնյան նշել է Ղրիմը։

Ավելի վաղ Ուկրաինայի նախագահի խոսնակ Սերգեյ Նիկիֆորովը հայտարարել էր, որ Զելենսկին պատրաստ է ցանկացած պահի հանդիպել Պուտինի հետ:

Ապրիլին Զելենսկին հրապարակավ հրավիրեց Ռուսաստանի նախագահին՝ հանդիպելու Դոնբասի ցանկացած վայրում, որտեղ պատերազմ է: Պուտինը խորհուրդ տվեց Ուկրաինայի առաջնորդին՝ բանակցություններ սկսել ինքնահռչակ հանրապետությունների իշխանությունների հետ, և համաձայնեց նրան ընդունել Մոսկվայում:

Մայիսին Զելենսկին հայտարարեց Պուտինի հետ հանդիպում կազմակերպելու բանակցությունների մեկնարկի մասին: Կրեմլի խոսնակ Դմիտրի Պեսկովը հաստատել էր դա: