Ուկրաինան հայտարարել է, որ Ռուսաստանը «Հըզբոլլահ»-ի և «Ասադի զինյալներին» տեղափոխում է Ուկրաինա

Ռուսաստանը ուկրաինական պատերազմում ներգրավում է Բաշար Ասադի և «Հըզբոլլահ»-ի զինյալներին։ Այս մասին հայտնում է Ուկրաինայի զինված ուժերի գլխավոր շտաբը։

«Ռուսաստանի Դաշնության զինված ուժերի հրամանատարությունը շարունակում է միջոցներ ձեռնարկել օտարերկրացիների հաշվին անձնակազմի կորուստները փոխհատուցելու համար։ Առկա տեղեկությունների համաձայն՝ ռուսական զորքերն արդեն մոտ 1000 կամավոր են վերցրել Բաշար ալ Ասադի և «Հըզբոլլահ»-ի բանակի ներկայացուցիչներից»,- հայտնում է Ուկրաինայի գլխավոր շտաբը։

Նշվում է նաեւ, որ օտարերկրյա մարտիկների ներգրավման հիմնական պատճառը քաղաքում մարտական գործողությունների փորձն է։

Հիշեցնենք, որ ռազմական գործողությունների մեկնարկից հետո տեղեկություններ էին ստացվում, որ տարբեր երկրներից տարատեսակ զորքեր են տեղափոխում Ուկրաինա` ՌԴ-ի դեմ պայքարելու համար: