Ուկրաինան և ԱՄՆ-ն մոտ օրերս նոր բանակցություններ կանցկացնեն

Կիևի և Վաշինգտոնի պատվիրակությունները մոտ ապագայում կրկին հանդիպում կունենան՝ խաղաղության ծրագիրը քննարկելու համար, հայտարարել է Ուկրաինայի արտգործնախարար Անդրեյ Սիբիհան: Այս մասին տեղեկանում է «ՌԲԿ-Ուկրաինա» պարբերականից:

«Ես հաստատում եմ, որ շուտով սպասվում է բանակցային թիմերի հանդիպում։ Ի՞նչ ակնկալիքներ ունենք։ Մենք ակնկալում ենք կոնկրետ արդյունքներ։ Կոնկրետ արդյունքներ առաջընթացի համար», - ասել է Սիբիհան։

Ուկրաինացի դիվանագետը նաև շեշտել է, որ երկրի համար հրադադարի հաստատումը չափազանց կարևոր է: 

Սիբիհան հավելել է, որ կան զգայուն հարցեր, որոնք կարող են քննարկվել միայն ղեկավարների մակարդակով, ուստի ուկրաինական կողմը հետաքրքրված է Ուկրաինայի նախագահ Վոլոդիմիր Զելենսկու և ԱՄՆ նախագահ Դոնալդ Թրամփի հանդիպմամբ: