Ուկրաինան հայտարարել է, որ կարող է հրաժարվել ՆԱՏՕ-ին անդամակցելուց Ռուսաստանի հարձակումը կանխելու նպատակով

Մեծ Բրիտանիայում Ուկրաինայի դեսպան Վադիմ Պրիստայկոն BBC Radio 5-ի լրագրողի հետ զրույցում խոստովանել է, որ Ուկրաինան կարող է համաձայնել հրաժարվել ՆԱՏՕ-ին անդամակցելուց, եթե դա օգնի կանխել Ռուսաստանի հետ պատերազմը։

Հարցին, թե արդյո՞ք Կիևը քննարկում է ՆԱՏՕ-ին անդամակցելու իր ծրագրերը հետաձգելու հարցը, թեև դա գրված է Ուկրաինայի սահմանադրության մեջ, դեսպանը պատասխանել է. «Մենք կարող ենք, հատկապես՝ երբ սպառնացել, շանտաժի են ենթարկել և հրահրել դրան»:

Նրա խոսքով՝ Ուկրաինան «կարող է ճկունություն ցուցաբերել»։

Ուկրաինական լրատվամիջոցները նշում են, որ սա ուկրաինացի պաշտոնյաների առաջին նման հայտարարությունն է Մայդանից հետո։ Առայժմ պետական պաշտոնյաներից կամ դիվանագետներից ոչ մեկը թույլ չի տվել մերժել ՆԱՏՕ-ին անդամակցելու կուրսը։