ԱՄՆ-ում առաջարկել են նախկին նախագահներին ընդգրկել Պուտինի դեմ պայքարում

ԱՄՆ-ի բոլոր ներքին ու արտաքին քաղաքական խնդիրները լուծելու համար անհրաժեշտ է հրավիրել հատուկ խորհուրդ, որում կընդգրկվեն ԱՄՆ նախկին նախագահները. ասել է Վաշինգտոնում Ատլանտյան խորհրդի ավագ խորհրդական Հարլան Ուլմանը։

«Ջիմմի Քարթերը կարող է ներկա չլինել իր տարիքի պատճառով: Բիլ Քլինթոնը, Ջորջ Բուշը, Բարաք Օբաման և Դոնալդ Թրամփը միասին ներկայացնում են 32 տարվա նախագահական փորձը: Նույն գաղափարը պետք է տարածվի Չինաստանի նախագահ Սի Ցզինպինի և Ռուսաստանի նախագահ Վլադիմիր Պուտինի հետ համատեղ հանդիպումների վրա»,- մեջբերում է The Hill-ը:

Նրա կարծիքով՝ նման ձևաչափը հնարավորություն կտա լուծելու խնդիրները` հաշվի առնելով բոլոր կողմերի շահերը։ Ուլմանը կարծում է, որ ԱՄՆ քաղաքական համակարգը լուրջ ճգնաժամի մեջ է 18-րդ դարում ստեղծված և արդեն հնացած սահմանադրության պատճառով։ Խորհրդականը նշում է, որ սա կլինի ամենատարօրինակ հանդիպումը, սակայն կարող է օգնել գտնել փոխզիջումային լուծում։