Թուրքիայում վրդովվել են, որ Եգիպտոսը բացվել է ռուսաստանցիների համար

Եգիպտոսի հանգստավայրերի բացումը ռուսաստանցիների համար զայրույթ ու վախ է առաջացրել Թուրքիայում:

Փորձագետները նշում են, որ համաճարակի պատճառով սահմանափակումներից հետո Թուրքիայում զբոսաշրջությունը նոր է սկսել նորմալանալ, բայց Եգիպտոսի բացումից հետո Թուրքիան հաստատ կկորցնի շահույթը: Ստեղծված իրավիճակը վրդովմունքի ալիք է բարձրացրել, քանի որ ռիսկ կա, որ երկիրը կկորցնի զբոսաշրջային հոսքի մեծ մասը:

Թուրք փորձագետները մտահոգված են, որ Հուրգադան և Շարմ էլ Շեյխը Անթալիայից կվերցնեն զբոսաշրջրիների զգալի մասին: Ըստ նրանց՝ խոսքը շուրջ կես միլիոն զբոսաշրջիկների մասին է, որոնք Թուրքիան համարում էին արձակուրդի պոտենցիալ հանգրվան, բայց այժմ շտապում են բուրգերի երկիր: Բացի դրանից` Եգիպտոսը վարում է դեմպինգային գնային քաղաքականություն՝ արհեստականորեն իջեցնելով գները, և այնտեղ հանգստանալը ռուսների համար ավելի քիչ կարժենա, քան թուրքական հանգստավայրերում:

Ռուսաստանից դեպի Եգիպտոսի քաղաքներ թռիչքները կվերսկսվեն հուլիսի 15-ից հետո: