Սաուդյան Արաբիան առաջին անգամ TOS-1A «Սոլնցեպյոկ» է կիրառել հութիների դեմ

Առաջին անգամ Սաուդյան Արաբիայի Թագավորության ցամաքային զորքերի ստորաբաժանումները TOS-1A «Սոլնցեպյոկ»-ով հարձակում են գործել Եմենի հութի ապստամբների վրա։ Ապրիլի 20-ին սոցիալական ցանցերում տեղադրվել է գնդակոծության տեսանյութ:

Ականատեսների խոսքով՝ սաուդցիները այն կիրառել են «Անսար Ալլահ» շիա շարժման մարտիկների դեմ: Տեսանյութը ֆիքսել է «Սոլնցեպյոկի»-ի գիշերային արձակումները․ հինգ հրթիռ է արձակվել՝ ջերմաճնշումային լիցքավորմամբ:

Հիշեցնենք, որ Սաուդյան Արաբիան 2017-ին համաձայնել է գնել «Սոլնցեպյոկ», իսկ 2019-ի ապրիլին ստացել է առաջին խմբաքանակը: Մեկ փոխադրամիջոցը կրում է 24 լիցք, որոնց հեռահարությունը մինչև վեց կիլոմետր է: