Չինաստանի նախագահը բանակին պատրաստ լինելու կոչ է արել

Չինաստանի նախագահը երկրի բանակին կոչ է արել պատրաստ լինել դիմակայելու անվտանգության անկայուն ու անորոշ պայմաններին:

Ըստ South China Morning Post-ի՝ Սի Ցզինպինն ասել է. «Մեր երկրի անվտանգության ներկայիս իրավիճակը հիմնականում անկայուն է և անորոշ»:

«Ամբողջ բանակը պետք է համակարգի և կապի կարողությունների զարգացումն ու մրցունակությունը, պատրաստ լինի ցանկացած պահի արձագանքելու բոլոր տեսակի դժվար իրավիճակներին և վճռականորեն աջակցելու ազգային ինքնիշխանությանը, անվտանգությանը և շահերի զարգացմանը»,– նշել է նա։

ԱՄՆ-ի և Չինաստանի միջև լարվածությունը սրվել է Թայվանի, Հարավչինական ծովի և Հոնկոնգի շուրջ:

Չինաստանի արտգործնախարար Վան Յին հայտարարել է, որ ԱՄՆ նախագահ Ջո Բայդենը պետք է փոխի ԱՄՆ նախկին նախագահ Դոնալդ Թրամփի քաղաքականությունը Թայվանի նկատմամբ, և որ ԱՄՆ-ը կրակի հետ է խաղում՝ Թայվանի անկախությանը սատարելով: