62 նոր զինծառայողի գերեվարման լուրն իրականությանը չի համապատասխանում. ՊԲ խոսնակ

Համացանցում տարածվող տեսանյութը, թե իբր 62 նոր զինծառայող է գերեվարվել, չի համապատասխանում իրականությանը, այս մասին Tert.am-ի հետ զրույցում ասաց ՊԲ խոսնակ Սուրեն Սարումյանը:

«Այդ տեսանյութը հին է, վերջին օրերին Խծաբերդի ու Հին թաղեր հատվածի այդ ցավալի դեպքից հետո այլևս որևէ զինծառայողի գերեվարման փաստ չի արձանագրվել: Նշում են, թե ևս 62 զինծառայող են գերեվարել, զինծառայողները պարզ է՝ երևում են, բայց սուտն այն է, որ ներկայացնում են, թե նոր է եղել, այդպես չէ»,- ասաց նա:

Սարումյանը ևս մեկ անգամ շեշտեց, որ Խծաբերդ, Հին թաղեր հատվածում տեղի ունեցած ցավալի դեպքից հետո, որի մասին հայտարարել են, որևէ զինծառայողի գերեվարում չի եղել:

Ավելի վաղ տեղեկացրել էինք, որ թշնամին հաղորդում է ևս 62 հայ գերեվարելու մասին: