Զանզիբարում՝ նախագահ, իսկ Սոմալիում արդարադատության նախարար են դարձել թուրքական կրթություն և քաղաքացիություն ունեցող անձինք

Ռուսաստանից և Ղարաբաղից հեռու բավականին նշանակալի իրադարձություն է տեղի ունեցել. նոյեմբերի 3-ին Զանզիբարի նախագահի պաշտոնը ստանձնել է Հուսեյն Մվինյին,  մարդ, որը կրթաթոշակային ծրագրով սովորում էր Թուրքիայի համալսարաններից մեկում: Գրեթե միաժամանակ աֆրիկյան մեկ այլ երկրում՝ Սոմալիում, թուրքական համալսարանի շրջանավարտ Աբդուլքադիր Մուհամեդ Նուրը դարձել է արդարադատության նախարար: Այս մասին հայտնում է ռուս լրագրող Յուրի Կոտենոկը։

«Երկուսն էլ խոսում են գերազանց թուրքերեն և նույնիսկ ունեն Թուրքիայի քաղաքացիություն՝ ըստ արաբական լրատվամիջոցների: Այսպես թուրքերը մեր աչքի առաջ վեր են բարձացնում նույնիսկ Աֆրիկան: Այժմ պատկերացրեք նրանց գործունեության իրական մասշտաբները Կենտրոնական Ասիայում և Ռուսաստանում, որտեղ թուրք էմիսարները գնում են իսլամական ֆոնդեր, տարածաշրջանային  հեռուստաալիքներ և բավականին մեծ լրատվամիջոցներ, որոնք անմիջապես մասնակցում են լոբբիստական աշխատանքներին», – գրում է ռազմական լրագրողը։