Հանդիպում վարչապետ Հասսան Տիապի հետ

ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունի եւ երիտասարդութեան եւ մարմնակրթութեան նախարարի պաշտօնակատար Վարդինէ Օհանեան-Գէորգեան այցելեցին հրաժարեալ վարչապետ Հասսան Տիապի:

Հանդիպումը առիթ մը եղաւ Տիապի կառավարութեան անցնող ժամանակի գործունէութեան վերագնահատումի` յստակացնելով այդ գործունէութեան դրական կողմերն ու բացթողումները:

Վարչապետ Տիապ իր պատկերացումը ներկայացուց ներկայ փուլին մասին` շեշտելով, որ անհրաժեշտ կը նկատէ ամէնէն արագ միջոցին նոր վարչապետի նշանակումը եւ կառավարութեան կազմութիւնը:

Ան գնահատանքով արտայայտուեցաւ իր կառավարութեան նկատմամբ Հայկական երեսփոխանական պլոքի եւ ՀՅ Դաշնակցութեան ցուցաբերած զօրակցութեան, ինչպէս նաեւ այն ճիգին եւ կեցուածքներուն, որ նախարար Օհանեան-Գէորգեան ունեցած է կառավարութեան մէջ:

aztagdaily.com