ՌԴ-ում կորոնավիրուսի հետ կապված իրավիճակն աստիճանաբար կայունանում է. Միշուստին

Ռուսաստանում կորոնավիրուսի հետ կապված իրավիճակն աստիճանաբար կայունանում է. այս մասին գրում է ՌԻԱ «Նովոստի»-ն՝ ՌԴ վարչապետ Միխայիլ Միշուստինի խոսքերին հղումով։

Կորոնավիրուսի դեմ պայքարը համակարգող խորհրդի նիստում պաշտոնյան, մասնավորապես, ասել է.  «Այսօր առաջին օրն է, երբ դուրս գրվածների թիվն ավելին է վարակվածներից: Դա լավ նորություն է, և, հնարավոր է, մենք սկսել ենք անցում կատարել առողջապահական համակարգի ծանրաբեռնվածության բարձր կետից: Դա ցույց է տալիս, որ իրավիճակը աստիճանաբար կայունանում է` հատկապես Մոսկվայում, որն առաջինը բախվեց նոր վարակին»։

Ըստ Միշուստինի ներկայացրած տվյալների՝ կորոնավիրուսի դեմ պայքարի շրջանակում երկրում ավելի քան 164 հազար մահճակալ են առանձնացրել, այդ թվում` 24 հազար 700-ն ինտենսիվ թերապիայի և վերակենդանացման բաժանմունքներում: