Կարելի է փոխել «նախագահական երկու հաջորդական ժամկետների մասին» սահմանադրական ձևակերպումը. Պուտին

ՌԴ նախագահ Վլադիմիր Պուտինը գիտի երկրի Սահմանադրության փոփոխության վերաբերյալ բանավեճերի մասին: Այդ հարցին, ըստ yerkir.am-ի, նա անդրադարձել է տարեվերջյան ամփոփիչ ասուլիսում:

«Սահմանադրությունը կենդանի գործիք է, այն պետք է համապատասխանի հասարակության զարգացմանը»,- ասել է ՌԴ նախագահը:

Պուտինը չի տեսնում նոր Սահմանադրություն ընդունելու իմաստ, համենայն դեպս, ըստ նրա, այդ առաջարկներում տրամաբանություն կա: «Սակայն այդ ամենը պետք է անել լավ նախապատրաստական աշխատանքից ու հասարակության շրջանում խոր բանավեճից հետո, շատ զգուշորեն»,- ընդգծել է նա:

Պուտինը նաև հավելել է, որ կարելի է փոխել «նախագահական երկու հաջորդական ժամկետների մասին» ձևակերպումը, որի շնորհիվ ինքը երկու ժամկետ կարողացավ զբաղեցնել նախագահի պաշտոնը, իսկ հետագայում՝ դարձյալ վերադառնալ:

Ի դեպ, վերջերս անցկացված հարցումների համաձայն՝ ռուսաստանցիների 68 տոկոսը համարում է, որ անհրաժեշտ է փոփոխություններ մտցնել երկրի Մայր օրենքում: