Կադիրովը Սիրիայի ահաբեկիչներին տեղեր է խոստացել գերեզմանոցում

Չեչնիայի ղեկավար Ռամզան Կադիրովը հայտարարություն է տարածել, որի համաձայն՝ իր գլխավորած հանրապետությունը պատրաստ է հարված հասցնել Սիրիայից Հյուսիսային Կովկաս ներթափանցող՝ «Իսլամական պետություն» խմբավորման ահաբեկիչներին. հայտնում է ՌԻԱ «Նովոստի»-ն:

Նրա պնդմամբ՝ Չեչնիան պատրաստ է ապահովել երկրի անվտանգությունը: «Իսլամական պետություն» ահաբեկչական խմբավորման դեմ պայքարելու նպատակով հանրապետության տարածքում հատուկ ջոկատներ են ստեղծվել:

«Մենք հաճույքով կընդունենք նրանց: Դրանք կլինեն թատրոնի՞ տոմսեր, թե՞ գերեզմանոցի, դեռևս անհայտ է»,- կատակել է Կադիրովն ու կարծիք հայտնել՝  ռուսական զորքերն ի վիճակի են «կարգուկանոն հաստատել Սիրիայում»: