Լիբանանի նախագահը Օսմանյան կայսրությունն «ահաբեկչական» է որակել

Լիբանանի նախագահ Միշել Աունը, Լիբանանի հիմնադրման 100-ամյակի կապակցությամբ ելույթ ունենալով հեռուստատեսության եթերում, Օսմանյան պետությունը որակել է որպես ահաբեկչական: «Օսմանցիները, հատկապես՝ Առաջին աշխարհամարտի տարիներին, պետական մակարդակով ահաբեկչություն են իրականացրել լիբանանցիների հանդեպ, որը հանգեցրել է հարյուրհազարավոր զոհերի: Օսմանցիների պարտությամբ և ֆրանսիական մանդատով մեր երկրի պատմության  մեջ նոր շրջան սկսվեց»,– Աունի խոսքերն է մեջբերում «Սպուտնիկ»-ի թուրքական ծառայությունը:

Թուրքիայի ԱԳՆ-ն անդրադարձել է Աունի այս հայտարարությանը և նշել, որ Թուրքիան քննադատում է Օսմանյան պետությանն ուղղված այս անհիմն պնդումները, նաև՝  որ նմանատիպ հայտարարությունները չեն բխում երկու երկրների բարեկամական հարաբերություններից: