Թուրքիայի խորհրդարանում ահաբեկչություն է կանխվել

Թուրքիայի իրավապահ մարմինները կանխել են ահաբեկչություն, որը պետք է տեղի ունենար Ազգային մեծ ժողովում. հաղորդում է haberturk.com կայքը:

Ըստ տեղեկությունների՝ մեկ 1 տղամարդ և 1 կին  մտել են Թուրքիայի խորհրդարանի շենք և հայտնել, որ հանդիպում ունեն գլխավոր ընդդիմադիր Հանրապետական-ժողովրդական կուսակցության  պատգամավոր Մահմութ Թանալի հետ։ Իրավապահ մարմինների կողմից իրականացված ստուգման ժամանակ  զինյալները փորձել են պատանդ վերցնել անվտանգության աշխատակիցներին, սակայն վնասազերծվել են։

Թուրքական աղբյուրի համաձայն` բերման ենթարկածները Թուրքիայում ահաբեկչական կազմակերպություն համարվող ձախակողմյան Ժողովրդական-ազատագրական հեղափոխական կուսակցություն-ճակատի (DHKP-C) անդամներ են: Նրանց մոտ հայտնաբերվել են  պայթուցիկներ, որոնք ամրացված են եղել մարմնի տարբեր մասերին։ Բերման ենթարկվածները հետախուզվում էին անվտանգության ուժերի կողմից` որպես վտանգավոր հանցագործներ։