ԱԺ-ն լուծարեց 5 նախարարություն. ընդունվեցին մի շարք օրենքներ

ՀՀ խորհրդարանն այսօր` մայիսի 8-ին, երկրորդ ընթերցմամբ ընդունեց մի շարք օրենքներ:

Մասնավորապես`

«Գովազդի մասին» օրենքում և Վարչական օրենսգրքում լրացումներ կատարելու մասին օրենքների փաթեթը. կողմ քվեարկեց 108 պատգամավոր, որոշումն ընդունվեց միաձայն, 

«Կառավարության կառուցվածքի և գործունեության մասին» օրենքում և հարակից օրենքներում փոփոխություններ և լրացումներ կատարելու մասին օրենքների փաթեթը. կողմ քվեարկեց 77, դեմ`41, ձեռնպահ`1 պատգամավոր,

Հարկային օրենսգրքում փոփոխություններ մտցնելու մասին օրենքը. կողմ`119, դեմ`0, ձեռնպահ`1:

Առաջին ընթերցմամբ ԱԺ-ն հավանության արժանացրեց`

«Գովազդի մասին» օրենքում փոփոխություններ և լրացումներ կատարելու, ինչպես նաև «Վիճակախաղերի, ինտերնետում և խաղատներում վիճակախաղերի մասին» օրենքում փոփոխություններ կատարելու մասին օրինագծերի փաթեթին. կողմ քվեարկեց 114 պատգամավոր.որոշումն ընդունվեց միաձայն,

«Սպառողական վարկավորման մասին» օրենքում փոփոխություններ մտցնելու մասին օրինագծին. կողմ`119, դեմ`1: