Խորհրդարանում այսօր քվեարկության դրված բոլոր նախագծերն ընդունվեցին

Խորհրդարանում այսօր քվեարկության դրվեցին քննարկված նախագծերը: 

«Տեղեկատվական տեխնոլոգիաների ոլորտի պետական աջակցության մասին» օրենքում փոփոխություններ ու լրացումներ կատարելու մասին»  և «Հարկային օրենսգրքում փոփոխություններ կատարելու մասին» ՀՀ օրենքների նախագծերն ընդունվեցին ձայների` 112 կողմ, 1 դեմ և 0 ձեռնպահ հարաբերակցությամբ:

Ինչ վերաբերում է «Հեղինակային և հարակից իրավունքների՝ կոլեկտիվ հիմունքներով կառավարման կարգի մասին» համաձայնագիրը վավերացնելու մասին օրենքի նախագծին, ապա այն ընդունվեց ձայների` 112 կողմ, 0 դեմ և ձեռնպահ հարաբերակցությամբ:

«Հայաստանի Հանրապետության և Ճապոնիայի միջեւ ներդրումների ազատականացման, խրախուսման եւ պաշտպանության մասին» համաձայնագիրը վավերացնելու մասին» օրենքի նախագիծն ևս ընդունվեց: Նախագծին կողմ քվեարկեց 112 պատգամավոր, դեմ և ձեռնպահ քվեարկողներ չկային:

«Պետական կենսաթոշակների մասին» Հայաստանի Հանրապետության օրենքում լրացումներ և փոփոխություններ կատարելու մասին» օրենքի նախագիծն ևս ընդունվեց: Նախագծին կողմ քվեարկեց 112 պատգամավոր, դեմ` 1-ը: