Արքայազն Հարիին Սբ Վալենտինի տոնի առթիվ գեղեցիկ անակնկալ են մատուցել Նորվեգիայում

Մեծ Բրիտանիայի արքայազն Հարին և նրա կինը՝ նախկին դերասանուհի Մեգան Մարքլը, որն ամուսնությունից հետո կրում է Սասեքսի դքսուհու տիտղոսը, Սուրբ Վալենտինի տոնը ստիպված են եղել միմյանցից հեռու նշել: Այս մասին տեղեկացնում է tattler.ru-ն:

Արքայազնը ստիպված է եղել փետրվարի 14-ին գտնվել Նորվեգիայի ռազմաբազայում: Տեղանքը այնքան էլ չի համապատասխանել սիրո տոնի տրամադրությանը, սակայն Հարիին յուրահատուկ անակնկալ է մատուցվել. բազայի զինծառայողները որոշել են ուրախացնել պատվավոր հյուրին ու հրավիրել են նրան ձնե հյուղակ, որի ներսը զարդարված է եղել դուքսի և դքսուհու հարսանեկան լուսանկարներով: Ռոմանտիկ միջավայրն ավելի գեղեցիկ են դարձրել մոմերն ու Հարիի և Մեգանի հարսանիքին հնչած երաժշտությունը:

Հարին գնահատել է անակնկալն ու միաժամանակ խոստովանել`  զինծառայողներն ու նրանց նվերը մի փոքր «տարօրինակ են»: