Կալուգայում ավտոբուսի վթարի հետևանքով նաև հայեր են տուժել

Ռուսաստանի Դաշնությունում Հայաստանի դեսպանատունը հայտնում է, որ Ռուսաստանի Կալուգայի մարզում ավտոբուսի շրջվելու հետևանքով տուժածների թվում նաև ազգությամբ հայեր կան:

«Ավտոբուսի վթարի հետևանքով տուժել են 2008-ին ծնված Մարիա Առաքելյանը և 1988-ին ծնված Սոնա Ադամյանը: Նրանք գտնվում են Կալուգայի քաղաքային հիվանդանոցում»,- ասվում է հաղորդագրության մեջ:

Նշենք, որ այլ տուժածների մասին տեղեկատվությունը ճշտվում է:

Վթարը տեղի է ունեցել փետրվարի 3-ի առավոտյան Կալուգայի մարզում: 48 անձ տեղափոխող ավտոբուսում 33-ը երեխա է եղել: Տրանսպորտային միջոցը դուրս է եկել երթևեկելի գոտուց և շրջվել: Վթարի հետևանքով զոհվել է 7, վիրավորվել` 32  մարդ: