Երուսաղեմում տեղի ունեցած բախումների հետևանքով հայեր չեն տուժել

Երուսաղեմի Տաճարի լեռան շրջակայքում հունիսի 2-ին հրեաների և արաբների միջև բախումներ էին տեղի ունեցել: Հարյուրավոր մարդիկ Երուսաղեմի Հին քաղաքում` Տաճարի լեռան շրջակայքում, ոստիկանության վրա քար և աթոռներ էին շպրտել. հաղորդում է ermenihaber.am կայքը:

Երուսաղեմի Հայոց պատրիարքարանից ստացված տեղեկությունների համաձայն` այս դեպքերի ընթացքում ոչ մի հայ կամ Հայաստանի քաղաքացի չի տուժել: Հիմնական դեպքերը տեղի էին ունեցել հայկական թաղամասից դուրս:

Հիշեցնենք, որ մայիսի 31-ին հրեաները Երուսաղեմի միացման 52-րդ տարեդարձն էին տոնում: Տաճարի լեռը շարունակում է մնալ Իսրայելի և Պաղեստինի միջև տարաձայնությունների ամենասուր կետը: Մայիսի 31-ին Ռամադանի վերջին նամազը կատարելու համար 260.000 մուսուլման ուղղվել էին դեպի Ալ Աքսա մզկիթ: Այդ պատճառով էլ բախումներ տեղի ունեցան մուսուլմաների և հրեաների միջև: