Եվրոպան կարող է ավելի խիստ պատժամիջոցներ սահմանել ՌԴ-ի դեմ

Գերմանիայի Բունդեսթագի արտաքին քաղաքական հարցերով կոմիտեի ղեկավար Նորբերտ Ռետգենը չի բացառել, որ Կերչի նեղուցում ստեղծված իրավիճակից հետո Եվրոպան ավելի խիստ պատժամիջոցներ սահմանի ՌԴ-ի  նկատմամբ. հայտնում է Газета.ру-ն: Նրա խոսքով` կատարվածը խորը մտահոգություն է առաջացնում:

Կիրակի ուկրաինական մի քանի նավեր հատել են ՌԴ-ի սահմանը: Դրանք մտել են ռուսական` ժամանակավորապես փակ ջրատարածք և չեն ենթարկվել ռուսական կողմի նախազգուշացումներին: Ռուսական կողմը կրակ է բացել, վիրավորվել է 3 ուկրաինացի զինվորական, նրանց բժշկական օգնություն են ցույց տվել, կյանքին սպառնացող վտանգ չկա: Նավերը ձերբակալվել են:

ՌԴ-ն քրեական գործ է հարուցել և ՄԱԿ-ի Անվտանգության խորհրդի շտապ նիստ հրավիրել Ազովի ծովում ստեղծված իրավիճակի հետ կապված: