Հրդեհներ խոտածածկ տարածքներում

Մարտի 10-11-ը ՀՀ ԱԻՆ Ճգնաժամային կառավարման ազգային կենտրոնում ահազանգեր են ստացվել հանրապետության տարբեր խոտածածկ տարածքներում բռնկված հրդեհների վերաբերյալ:

Մասնավորապես` Երևանի ԱՄՆ դեսպանատան մոտակայքում այրվել է 30 քմ, Արարատի մարզի Նոր Խարբերդ-Մարմարաշեն ավտոճանապարհի մոտակայքում՝ 5000 քմ, Սյունիքի մարզի Գորիս քաղաքի Արևշատ փողոցի թիվ 1 հասցեին հարակից տարածքում՝ 1000 քմ, Մեղրի քաղաքի Զորավար Անդրանիկի փողոցի թիվ 32 շենքի մոտակայքում՝ 800 քմ, Տավուշի մարզի Իջևան քաղաքի Հայանտառ ՊՈԱԿ-ի Իջևանի մասնաճյուղի տարածքում՝ 100 քմ, Կիրանցի գյուղի սկզբնամասում 7.5 հա, Լոռու մարզի Բազում գյուղ չհասած՝ եղևնիների մոտ՝ 5 հա, Վանաձոր քաղաքի թիվ 24 միջնակարգ դպրոցի մոտակայքում՝ 500 քմ, «ДУЦ» կոչվող ավանի թիվ 2 շենքում՝ 500 քմ, Վանաձորի քաղաքային գերեզմանատան հյուսիսային հատվածի անտառամերձ խոտածածկույթում ՝ 20 հա, Սպանդարյան և Վարդանանց փողոցների սկզբնամասում՝ 1000 քմ, Ստեփանավան քաղաքի Վիրահայոց փողոցի թիվ 1 հասցեի մոտակայքում՝ 100 քմ, Ալավերդի Օձուն գյուղի Հայրենական մեծ պատերազմի հուշաքարի մոտ այրվել է 3000 քմ խոտածածկ տարածք:

Բոլոր հրդեհները հրշեջ-փրկարարները մեկուսացրել են և մարել: