Երևանցի տղամարդը մեղադրվում է «Օդնոկլասնիկի»-ի իր էջով պոռնոգրաֆիկ նկարներ տարածելու մեջ

Երևանի բնակիչը մեղադրվում է պոռնոգրաֆիկ պատկերներ տարածելու մեջ: Դատական տեղեկատվական համակարգից տեղեկանում ենք, որ Վարդգես Ղ.-ն պոռնկագրական պատկերներ տարածելու ուղղակի դիտավորությամբ, 2016թ. փետրվար ամսից մինչև հունիսը Երևան քաղաքի Ավանում գտնվող բնակարանում, իր կողմից օգտագործվող բջջային հեռախոսով լուսանկարել է իր սեռական օրգանը և նույն հեռախոսի միջոցով տեղադրել է «ok.ru» սոցիալական ցանցի՝ իր կողմից նախապես ստեղծված «ԻՄ ԲՈԼՏԻՆ ՉԻ VK» անվանումով անհատական էջում:

Այնուհետը ծանոթանալու, իսկ հետո սեռական հարաբերություններ ունենալու համար, այդ անհատական էջի միջոցով կապ հաստատելով, դրանք տարածել է մի շարք քաղաքացիների:

Քաղաքացուն մեղադրանք է առաջադրվել ՀՀ ՔՕ 263-րդ հոդվածի 1-ին մասի հատկանիշներով: Նրա նկատմամաբ, որպես խափանման միջոց է ընտրվել չհեռանալու մասին ստորագրությունը:

Նշենք, որ պոռնկագրական նյութեր պատկերներ տարածելը, գովազդելը, պատժվում է տուգանքով՝ նվազագույն աշխատավարձի երկուհարյուրապատիկից չորսհարյուրապատիկի չափով, կամ կալանքով՝ առավելագույնը երկու ամիս ժամկետով, կամ ազատազրկմամբ՝ առավելագույնը երկու տարի ժամկետով: