ԱՄՆ-ում` մեծ կրիան հրդեհի պատճառ

ԱՄՆ Տեխաս նահանգի Սան Անտոնիո քաղաքում մեծ կրիան հրդեհի պատճառ է դարձել իր տիրոջ հարևանի տանը, հաղորդում է UPI գործակալությունը

Աղբյուրը մանրամասնում է, որ մոտ 70 կիլոգրամ կշռվող կրիան եղել է վանդակում` երկու տների արանքի բակում: Հրդեհը բռնկվել է, երբ սողունը վանդակում գտնվող տաքացնող լամպը շուռ է տվել ներքնակի վրա: Ներքնակը բռնկվել է, և կրակը հասել է մոտակայքում գտնվող կառույցներ:

Նշվում է, որ հրդեհվող տանը եղել է չորս մարդ, այդ թվում` երկու երեխա: Բոլորը հասցրել են փրկվել, սակայն շենքը լրջորեն վնասվել է կրակից: Կրիայի տիրոջ տունը մինիմալ վնասներ է ստացել: Կենդանին թաթի թեթև այրվածք է ստացել:

Կրիայի տերը միջադեպն անվանել է սարսափելի պատահականություն: Նրա խոսքով` կենդանին ապրում է իր հետ արդեն 15 տարի և իր աչքերի առջև է մեծացել: