Մերդինյանն ունի մեդալ նվաճելու հնարավորություն. Բելյավսկի

Երկուշաբթի  Ռիո-2016-ում կայացավ տղամարդկանց մարմնամարզության թիմերի եզրափակիչը։  Ոսկե մեդալակիրներ դարձան ճապոնացիները, ովքեր ոսկի էին նվաճել նաև Գլազգոյի աշխարհի առաջնությունում։  Ռուսաստանի Դաշնությունը հայտնվեց 2-րդ, իսկ  Չինաստանը՝ 3-րդ տեղում։ Ռուս մարմնամարզիկ Դմիտրի Բելյավսկին, ով Եվրոպայի առաջնությունում, զիջելով Մերդինյանին, բավարարվել էր արծաթով, պարգևատրման արարողությունից հետո Totoexpert-ի թղթակցի հետ զրույցում խոսել է  Հարություն Մերդինյանի մասին։

-Եվրոպայի չեմպիոն Հարություն Մերդինյանը կմրցի նժույգաթափերի եզրափակիչում։ Հետևե՞լ եք նրա` որակավորման փուլի ելույթին, և առհասարակ, ըստ ձեզ, ի՞նչ հնարավորություններ ունի Մերդինյանը Ռիոյում։

-Անկեղծ ասած` Ռիոյում նրա ելույթը չեմ տեսել, սակայն Եվրոպայի առաջնությունում հիանալի բազա ցուցադրեց, ես կարծում եմ` նա ունի մեդալ նվաճելու հնարավորություն։