Ուշադրություն` մարտի 15-16-ին օդի ջերմաստիճանը կնվազի

Առաջիկա 5 օրերին հանրապետության հովտային գոտիներում բացասական ջերմաստիճան չի կանխատեսվում, սակայն մարտի 15-16-ին օդի ջերմաստիճանը  հիմնականում ցերեկային ժամերին կնվազի 8-10 աստիճանով:

Yerkir.am-ի հետ զրույցում այս տվյալները ներկայացրեց ՀՀ ԱԻՆ «Հիդրոմետ» ծառայության օդերևութաբանության կենտրոնի պետի տեղակալ Գագիկ Սուրենյանը: Նրա խոսքով` մարտի 11-ին և 12-ին Արարատյան դաշտում ցերեկը սպասվում է մինչև 16-18 աստիճան տաքություն, մարտի 16-ին օդի ջերմաստիճանը ցերեկը կլինի պլյուս 7-8 աստիճան:

Հարցին, թե ցրտահարության վտանգ կա՞, Սուրենյանը պատասխանեց, որ նախալեռնային գոտիներում, որտեղ հիմնականում գրանցվելու է օդի ջերմաստիճանի նվազում,  դեռ ծաղկում չկա, միայն նկատվում է պտղատուների բողբոջների ուռչում: