Բախումներ Փարիզում. շուրջ 100 մարդ ձերբակալվել է

Փարիզում կլիմայի պաշտպանության կողմնակիցների բողոքի ցույցը վերաճել է բախումների ոստիկանների հետ: Շուրջ 100 մարդ ձերբակալվել է: Իրավապահներն արցունքաբեր գազ են կիրառել ցուցարարների նկատմամբ:

Ավելի վաղ Ֆրանսիայի կառավարությունը  արգելել էր երթերի անցկացումը Փարիզում ՄԱԿ-ի` կլիմայական փոփոխություններին նվիրված համաժողովին ընդառաջ:  Սակայն  Հանրապետության հրապարակում հազարավոր մարդիկ են  հավաքվել, ովքեր սկսել են տարբեր առարկաներ նետել ոստիկանների վրա. վերջինները արցունքաբեր գազ են կիրառել եւ ցրել ցույցը:  

Նշենք, որ Ֆրանսիայի մայրաքաղաքում զանգվածային միջոցառումների անցկացումն արգելվել էր նոյեմբերի 13-ին տեղի ունեցած ահաբեկչությունից հետո, երբ իշխանությունները արտակարգ դրություն հաստատեցին` 3 ամիս ժամկետով: