Թուրքիայում հայ լրագրողին ազատել են աշխատանքից

Թուրքիայում վերջին շրջանում հաճախակի դարձած` խմբագրությունները վերահսկելու գործողությունների հերթական զոհը դարձել է պոսլահայ լրագրող Հայկո Բաղդադը:

Ըստ Radikal-ի՝ Bugun TV-ի նկատմամբ դատարանի որոշմամբ իրականացված վերահսկողական գործողությունների ընթացքում աշխատանքից հեռացվել է Հայկո Բաղդադը:

Աշխատանքից հեռացվելու մասին տեղեկությունը լրագրողը հաստատել է իր Twitter-յան էջում: «Այսօր աշխատանքից ազատվելու մասին տեղեկացնող ծանուցում ստացա: Ազատվել եմ Bugun TV-ում աշխատանքից: Առաջին անգամ է, որ ինչ-որ տեղից ինձ ազատում են: Լավ, կատակում եմ, ամեն օր էլ ինձ ազատում են»,- գրել է նա:

Հիշեցնենք, որ Հայկո Բաղդադն ամիսներ առաջ դատի էր տվել Անկարայի քաղաքապետ Մելիհ Գյոքչեքին: