Ռուսաստանը դարձյալ պաշտպանել է Ադրբեջանին

ԵԱՀԿ Ժողովրդավարական հաստատությունների և մարդու իրավունքների գրասենյակի՝ ԺՀՄԻԳ-ի խորհուրդը, հրաժարվելով դիտորդներ ուղարկել Ադրբեջան, վտանգում է մի շարք երկրների հետ իր հարաբերությունները. այդ միջադեպը լուրջ ազդեցություն կթողնի դրանց վրա: Այդ մասին տարածաշրջանների ընտրական հանձնաժողովների նախագահների հետ խորհրդակցության ժամանակ ասել է ՌԴ ԿԸՀ նախագահ Վլադիմիր Չուրովը. հայտնում է haqqin.az-ը:

Հիշեցնենք, որ ավելի վաղ ՌԴ արտգործնախարար Սերգեյ Լավրովը չափազանց կոշտ քննադատության էր ենթարկել միջազգային այն կազմակերպություններին, որոնք հրաժարվել են դիտորդներ ուղարկել Ադրբեջանում նոյեմբերին կայանալիք խորհրդարանական ընտրություններին: