Էրդողանը սխալ է համարում ԱՄՆ պետքարտուղարության դիրքորոշումը

Օրեր առաջ ԱՄՆ պետքարտուղարության խոսնակ Ջոն Քիրբին հայտարարել էր, որ ԱՄՆ-ը Սիրիայի քրդական «Ժողովրդավարական միություն» կուսակցության (PYD) ռազմական թև հանդիսացող «Ժողովրդական ինքնապաշտպանական ջոկատներ»-ին (YPG) ահաբեկչական կազմակերպություն չի համարում:

Ըստ T24-ի՝ Թուրքիայի նախագահ Ռեջեփ Թայիփ Էրդողանը խոսել է Քիրբիի հայտարարության մասին` այն համարելով սխալ:

«Ես ԱՄՆ-ի հայտարարությունը սխալ եմ համարում:  PYD-ն և YPG-ն, ըստ մեզ, ահաբեկչական կազմակերպություններ են: ԱՄՆ-ը նրանց պատճառով չի տուժում, մենք ենք տուժոում: Մենք գիտենք, թե այդ կազմակերպություններն ինչեր են անում: Այդ իսկ պատճառով, կարծում եմ, որ կվերանայի այս սխալ տեսակետն ու գնահատականը: Մենք ԴԱԻՇ-ին ևս համարում ենք ահաբեկչական կազմակերպություն, դրա կողքին կանգնած կազմակերպություններին՝ ՔԲԿ-ին՝ ևս: ԵՄ-ն նույնպես ՔԲԿ-ին ահաբեկչական կազմակերպություն է համարում»,- ասել է Էրդողանը: