Մեկնարկել է Պերմյակովի դատը. ռուսական ռազմաբազայի տարածքում հատուկ հսկողություն է սահմանված

Քիչ առաջ Գյումրիում տեղակայված 5-րդ կայազորային ռազմական դատարանում մեկնարկեց Ավետիսյանների ընտանիքի 7 անդամների սպանության մեջ մեղադրվող ռուսական 102-րդ ռազմաբազայի զինծառայող Վալերի Պերմյակովի դասալքության մասով գործը։ Ինչպես ռազմական դատարանից հայտնում է Yerkir.am-ի լրագրողը` ռազմաբազայի տարածքում, որը տեղակայված է Գյումրիի Ոսկե բլուր կոչվող տարածքում, խիստ հսկողություն է սահմանված: Դատը լուսաբանելու համար հայ և ռուս լրագրողները հատուկ հավատարմագրման կարգ են անցել: Ստուգվել է նրանց տեխնիկան, իրերը: Այստեղ են ռուսական մի քանի լրատվամիջոցներ:

Նշենք, որ ռուսական կողմի իրակակացրած նախաքննության նախնական տվյալներով, Պերմյակովը ինքնակամ լքել էր զորամասը, զենքը ձեռքին դուրս եկել Գյումրի, որտեղ տներից մեկում կրակելով սպանել է Ավետիսյանների ընտանիքի 6 անդամներին, դանակով վիրավորել 6 ամսական փոքրիկին, ով հետո հիվանդանոցում մահացել է: Պերմյակովը ձերբակալվել էր հենց հանցագործության օրը, հայ-թուրքական սահմանին: