Նաիրիտցիները կսպասեն ևս 10-15 օր

Այսօր կառավարության շենքի առջեւ դարձյալ բողոքում էին նաիրիտցիները: Բանն այն է, որ կառավարության նիստի սկզբում վարչապետն ու էներգետիկայի նախարար Երվանդ Զախարյանը անդրադարձան նրանց բողոքին` ասելով, որ կա նաիրիտցիների աշխատավարձի պարտքը մարելու երկու տարբերակ` կա\'մ նաիրիտցիները սպասում են 10-15 օր, որից հետո կառավարությունը կվճարի բոլորի աշխատավարձի պարտքը, կա\'մ վճարումը կկատարվի խումբ-խումբ` առանց 10-15 օր սպասելու:

Yerkir.am-ի հետ զրույցում «Նաիրիտ»-ի նախկին աշխատակից Անուշ Հարությունյանը նշեց, որ պատրաստվում են հանդիպել վարչապետի հետ: Հարցին, թե վերոնշյալ երկու տարբերակներից որի՞ն են համաձայն նաիրիտցիները, նա պատասխանեց, որ ավելի հակված են երկրորդ տարբերակին, այսինքն` սպասել 10-15 օր, որից հետո կառավարությունը կվճարի բոլորի պարտքը` միանվագ:

Նշենք, որ նաիրիտցիների աշխատավարձի պարտքը կազմում է 5 միլիարդ 310 միլիոն դրամ: