Դա Բիբինի իրավունքն է. Զախարյանը պաշտպանեց Բիբինին

Այսօր ԱԺ-ում էլեկտրաէներգիայի սակագնի բարձրացման հարցով լսումներն են, որին մասնակցելու են ԱԺ պատգամավորները, նախարարները, բազմաթիվ ՀԿ-ներ, շահագրգիռ կողմեր, ՀԷՑ-ի ներկայացուցիչներ: Հիմնական զեկույցներ ունեն ՀԾԿՀ նախագահ Ռոբերտ Նազարյանը, էներգետիկայի նախարար Երվանդ Զախարյանը, ԱԺ տնտեսական հարցերի մշտական հանձնաժողովի նախագահ Վարդան Այվազյանը: Ուշագրավ է, որ ՀԷՑ նախագահ Եվգենի Բիբինը չի ժամանել այս լսումներին:

Մինչ լսումները` Yerkir.am-ը փորձեց հարցեր ուղղել ՀԾԿՀ նախագահ Ռոբերտ Նազարյանին, ով հրաժարվեց հարցերին պատասխանել` միաժամանակ ասելով, որ ոչ մի հարց անպատասխան չի մնալու: Հարցերին պատասխանելուց հրաժարվեց նաև էներգետիկայի նախարար Երվանդ Զախարյանը:

Yerkir.am-ի դիտարկմանը, որ Բիբինը մեղադրել է կառավարությանը, Երվանդ Զախարյանն արձագանքեց. «Դա Բիբինի իրավունքն է»: