20-ից ավելի քաղաքացիների են բերման ենթարկել

Ազատության հրապարակում լարված իրավիճակը շարունակվում է: Դեպքի վայրից yerkir.am-ի թղթակիցը հայտնում է, որ ոստիկաններն արդեն բերման են ենթարկել 20-ից ավելի ակտիվիստների: Երևանի փոխոստիկանապետ Վալերի Օսիպյանը լրագրողներին հայտնել է, որ Կենտրոնում տեղի ունեցածը` հանցագործություն է: 

Քիչ առաջ ոստիկանները բերման են ենթարկել նաև ԱԻՄ առաջնորդ Պարույր Հայրիկյանի քրոջ որդուն` Վրեժ Զատիկյանին: Հիշեցնենք, որ այսօր Ազատության հրապարակում Վրեժը yerkir.am-ին հայտնել էր, որ ինքը դեմ է բռնություններին և իր մասնակցությունն ակցիային խաղաղ բնույթ է կրում: Բերման է ենթարկվածների թվում է նաև ակտիվիստ Կարո Եղնուկյանը:

Ի դեպ, վաղուց ցույցերի ժամանակ այսքան մեծ թվով ոստիկաններ չէին եղել: