Կիրկորովին կրկին մեղադրում են լրագրողի վրա հարձակվելու մեջ

Ռուսական էստրադայի վառ ներկայացուցիչ Ֆիլիպ Կիրկորովը վերջապես հայտարարությամբ է հանդես եկել՝ կապված Կիևի ռեստորաններից մեկում տեղի ունեցած միջադեպի հետ. հայտնում է ТСН-ն:

Հիշեցնենք, որ երգիչը Կիևում համերգից հետո որոշել էր հանգստանալ մայրաքաղաքի ռեստորաններից մեկում: Երբ Կիրկորովը դուրս է եկել շենքից, տեղական լրատվամիջոցի մի ֆոտոլրագրող փորձել է լուսանկարել վերջինիս: Նույն պահին միջամտել են Կիրկորովի թիկնապահները` փորձելով խանգարել լրագրողին: Արդյունքում լրագրողը գլխին հարված է ստացել շշով:

ԶԼՄ-ի համաձայն՝ Կիրկորովի մամուլի քարտուղարը հայտարարել է, որ երգիչը ֆոտոլրագրողի ասածը որակել է որպես սադրանք:  Զրպարտության համար, ըստ երգչի, վերջինս պետք է պատասխան տա դատարանում: