Մենք ուժեղ թիմ ունենք. Յուպ Հայնկես

Չեմպիոնների լիգայի եզրափակիչ հանդիպումից առաջ կայացած ավանդական մամուլի ասուլիսի ժամանակ Մյունխենի «Բավարիա»-ի գլխավոր մարզիչ Յուպ Հայնկեսը հայտարարել է՝ եթե իր թիմը խաղա ուժերի ներածին չափով, ապա կհաղթի «Բորուսիա»-ին:

«Անցած շաբաթ Բունդեսլիգայում անցկացրի վերջին խաղս: Այսօր այստեղ վերջին հնարավորությունն ունեմ ձեռքերումս պահելու Չեմպիոնների լիգայի գավաթը: Ես գիտեմ՝  ինչի ենք ընդունակ: Մենք ունենք շատ ուժեղ թիմ, որը գործում է համախմբված, եթե խաղանք մեր ուժերի ներածին չափով, ապա կհաղթենք»,- մարզչի խոսքերն է մեջբերում ՈւԵՖԱ-ի կայքը:

Չեմպիոնների լիգայի եզրափակիչ՝ «Բորուսիա» - «Բավարիա»  հանդիպումը կկայանա այսօր՝ մայիսի 25-ին, ժամը 22:45-ին, Լոնդոնի «Ուեմբլի» մարզադաշտում: