«Ռեալ»-ը ուժեղ է, բայց մենք ունենք Հենրիխ Մխիթարյան և ուրիշներ. Կլոպպ

Դորտմունդի «Բորուսիա»-ի գլխավոր մարզիչ Յորգեն Կլոպպը հույս է հայտնել, որ իր թիմը հաջող հանդես կգա Չեմպիոնների լիգայի քառորդ եզրափակիչի շրջանակներում կայանալիք` Մադրիդի «Ռեալ»-ի հետ հանդիպմանը:

Գերմանացի մասնագետը նշել է , որ իր թիմում նույնպես կան բարձրակարգ ֆուտբոլիստներ:

«Մենք երբեք չենք բողոքում: Իհարկե, Մադրիդի «Ռեալ»-ի կազմում հանդես են գալիս շատ ուժեղ ֆուտբոլիստներ, բայց մենք էլ մեր կազմում ունենք Հենրիխ Մխիթարյան և այլ բարձրակարգ խաղացողներ: Մխիթարյանը, Օբամեյանգը և Պապաստապուլոսը շատ լավ հարմարվեցին թիմին և ուժեղացրեցին մեր խաղը: Մենք չենք բողոքում և «Ռեալ»-ի հետ խաղում անելու ենք ամեն ինչ` մեր ուժերի սահմաններում»,-Կլոպպի խոսքերն է մեջբերում championat.com կայքը: