Բախումներ` Լոնդոնում

Լոնդոնում մայիսի 22-ի գիշերը բախումներ են տեղի ունեցել ազգայնականների ու ոստիկանների միջև. հայտնում է Лента.ру-ն` վկայակոչելով Sky News-ը:

Մոտ 100 ակտիվիստ հավաքվել է Լոնդոնի հյուսիսում և սկսել ազգայնական երգեր երգել: Ոստիկանությունը փորձել է ցրել ամբոխին, ինչի հետևանքով բախումներ են սկսվել: Տուժածների մասին տեղեկություններ այս պահին չկան:

Պատճառն այն է, որ նույնը օրը երեկոյան Լոնդոնի Վուլվիչ փողոցում գլխատվել է բրիտանացի զինծառայող: Ոստիկանությունը համարում է, որ խոսքը «իսլամական ահաբեկիչների` քաղաքական հիմնավորմամբ հարձակման» մասին է: Ըստ ականատեսների` հարձակվողները գոռացել են «Ալլահ Աքբար»: Նրանք հարձակվել են զինծառայողի վրա եւ հարվածներ հասցրել նրան մաչետեներով ու տապարներով: Հարձակումը տեսագրվել է:

Ոստիկանության հետ փոխհրաձգության ժամանակ ահաբեկիչները վիրավորվել են: