Իրանի նախագահին մտրակահարություն է սպառնում

Իրանի նախագահ Մահմուդ Ահմանդինեժադին 6 ամիս բանտարկություն է սպառնում նախագահի թեկնածուների գրանցման ժամանակ օրենսդրությունը խախտելու համար: Նախատեսված է նաեւ այլընտրանքային պատիժ` մտրակի 74 հարված:

Բանն այն է, որ պետական հեռուստատեսությամբ ցուցադրվել է, թե ինչպես է Ահմադինեժադը ուղեկցում իր համախոսին եւ հավանական փոխարինողին: Իսկ ըստ օրենքի` արգելվում է նախագահի աջակցությունը պետության ցանկացած բարձր պաշտոնի հավակնող թեկնածուի. գրում է The Telegraph-ը: Երբ կլինի դատը, թերթը չի նշում:

Իրանի կառավարության մամուլի խոսնակ Գոլյամհոսեյն Էլհամը կասկածում է, որ նախագահին մտրակահարություն է սպառնում: Ըստ նրա` նախագահը թեկնածուին ուղեկցել է որպես մասնավոր դեմք, այլ ոչ թե որպես պետության առաջնորդ, առավել եւս, որ ընտրական արշավը պաշտոնապես դեռ չի սկսվել: