Ստեփանակերտ-Մարտունի միկրոավտոբուսը վթարի է ենթարկվել

Այսօր վթարի է ենթարկվել Ստեփանակերտ-Մարտունի երթուղին սպասարկող միկրոավտոբուսը։

Ինչպես Karabakh-open.info-ին տեղեկացրել են ոստիկանության մամուլի ծառայությունից, Ստեփանակերտ-Մարտունի ավտոճանապարհի 15-րդ կիլոմետրին ձյան պատճառով միկրոավտոբուսը կողաշրջվել է, ինչի հետեւանքով 4 հոգի դիմել են Մարտունու շրջբուժմիավորում եւ ստացել առաջին բուժօգնություն, իսկ 2 հոգի տեղափոխվել են հանրապետական հիվանդանոց։

Karabakh-open.info-ին հանրապետական հիվանդանոցից տեղեկացրել են, որ վթարից տուժած ուղեւոր` 1969թ. ծնված Ջեմմա Գասպարյանի վիճակը ծանր է, իսկ 1939 թ. ծնված Նոնա Փաշայանի վիճակը գնահատվում է միջին ծանրության: