Սահակաշվիլիի իշխանությանը սպառնացողին զրկել են քաղաքացիությունից

Վրաստանի արդարադատռության նախարարությունը հայտարարել է, որ գործարար Բիձինա Իվանիշվիլին այլեւս Վրաստանի քաղաքացի չէ. նրան զրկել են քաղաքացիությունից այն բանից հետո, երբ մտադրություն է հայտնել ընդդիմադիր կուսակցություն ստեղծել. հաղորդում է Новости Грузия-ն:

Անցյալ շաբաթ միլիարդատեր Իվանիշվիլին խիստ քննադատել էր ներկայիս իշխանություններին, մասնավորապես` Միխայիլ Սահակաշվիլիին: Նա ասել էր, թե ինքն առնվազն պետք է վարչապետ կամ խորհրդարանի նախագահ դառնա, որպեսզի կարողանա մասնակցել նոր կառավարության ձեւավորմանը եւ արմատախիլ անել էլիտայի ստեղծած կոռուպցիոն համակարգը:

Իվանիշվիլիին քաղաքացիությունից զրկելու պաշտոնական պատճառն այն է, որ նա 2004 թվականին դարձել է Ֆրանսիայի քաղաքացի: Սակայն նշվում է, որ Սահմանադրությունը չի արգելում երկքաղաքացիությունը: