5-ամյա Էդուարդին գտել են ճահճուտում. նա ողջ է

Ֆոտոլրագրող Գագիկ Շամշյանը «Հետք»-ին հայտնել է, որ քիչ առաջ փրկարարները եւ ոստիկանները Սեւանի ափին հարակից ճահճուտում գտել են 5-ամյա Էդուարդ Սիրամարգյանին, որը կորել էր երեկ կեսօրին՝ ժամը 12:00-ի սահմաններում: Մինչ այդ նա իր 4 տարեկան եղբոր հետ ափին խաղալիս է եղել: Բարեբախտաբար, երեխան ողջ է:

Հիշեցնենք, որ Երևանի Մալաթիա-Սեբաստիա վարչական շրջանի բնակիչ, 5-ամյա Էդուարդ Սիրամարգյանը կորել էր Սևանա լճի ափին գտնվող՝ անհատ ձեռներեց Ջիվան Աֆրիկյանի կողմից վարձակալական հիմունքներով օգտագործվող տարածքում: Կատարվում էին որոնողական լայնածավալ աշխատանքներ, որոնցում ներգրավված էին Փրկարար ծառայության Գեղարքունիքի մարզի հրշեջ-փրկարարները և ջրասուզակները, ոստիկանության Գեղարքունիքի մարզային վարչության եւ Սևանի բաժնի աշխատակիցները: Նրանք իրենց որոնողական աշխատանքները անցած գրեթե մեկ օրվա ընթացքում չէին դադարեցրել: Փրկարարներին եւ ոստիկաններին ակտիվորեն աջակցել են նաեւ Սեւանի ափին հանգստացողները: