Թուրքիայում ձերբակալել են Մեհմեդ Փերինչեքին

Երեկ Թուրքիայում անսպասելիորեն ձերբակալվել է քաղաքագետ եւ պատմաբան Մեհմեդ Փերինչեքը` Թուրքիայի բանվորական կուսակցության նախագահ Դողու Փերինչեքի որդին. տեղեկացնում է haberturk-ը:

Ձերբակալության պատճառը կարող է լինել վերջինիս հնարավոր մասնակցությունը «Էրգենեկոն» ընդհատակյա կազմակերպությանը, որում ներգրավված բարձրաստիճան սպաները, քաղաքական կազմակերպությունների և հասարակական շարժումների մասնակիցները ցանկացել են պետական հեղաշրջում իրականացնել:

Նշենք, որ Մեհմեդ Փերինչեքը վերջերս մի ծավալուն աշխատություն էր ներկայացրել «Հայկական հարցը ռուսական պետական արխիվների 120 փաստաթղթում», որում Հայոց ցեղասպանության ժխտման` թուրքական քաղաքական գիծն է տարվում: