Անհրաժեշտ է խոսել ժողովրդի հետ

Ռուսական պատվիրակությունը կայցելի Սիրիա և կհանդիպի Սիրիայի նախագահ Բաշար Ասադի և ընդդիմության հետ, որպեսզի ստանա տարածաշրջանում կատարվող իրադարձությունների օբյեկտիվ նկարագիրը. տեղեկացնում է Новости գործակալությունը:

Սենատոր Ասլամբեկ Ասլախանովը հավաստիացրել է, որ այցելությունից ստացված ամբողջ տեղեկատվությունը կտրամադրի ՌԴ ղեկավարությանը:

«Մենք անկեղծորեն ցանկանում ենք պարզել, թե ինչ է իրականում կատարվում Սիրիայում, քանի որ արտաքին աղբյուրները տալիս են շատ հակասական տեղեկություններ: Իսկ իրական պատկերը ստանալու համար անհրաժեշտ է խոսել նաեւ բնակչության հետ»,- նշել է Ասլախանովը` հավելելով, որ պատվիրակության այցելությամբ հետաքրքրված են ինչպես սիրիական իշխանություններն ու տեղական ընդդիմությունը, այնպես էլ ՌԴ արտաքին գործերի նախարարությունը: