Խորհուրդ՝ աշխատել սոցիալիստների հետ

Ֆրանսիայի նախագահ Նիկոլա Սարկոզին հավանություն չի տալիս Հայոց ցեղասպանության ժխտման համար քրեական պատիժ սահմանող օրինագծին:

Այս մասին, ըստ «Հուրիեթի» Թուրքիայի ԵՄ անդամակցության հարցով գլխավոր բանակցող, պետնախարար Էգեմեն Բաղըշին հայտնել է Ֆրանսիայի նախագահի գլխավոր խորհրդական Ժան-Դավիդ Լևիտը` հավելելով, որ Թուրքան պետք է աշխատանք տանի օրինագծի հեղինակի` Սոցիալիստական կուսակցության հետ:

Մայիսի 4-ին Սենատը պատրաստվում է քննարկել Հայոց ցեղասպանության վերաբերյալ օրինագիծ, որն ընդունել է Ֆրանսիայի Ազգային ժողովը: Դրանով նախատեսվում է Ֆրանսիայում Հայոց ցեղասպանությունը ժխտողներին դատապարտել մինչև 5 տարվա ազատազրկման եւ 45.000 եվրո տուգանքի: