Փրկենք Ուրմիա լիճը

Անկարայում տեղի է ունեցել իրանցի ուսանողների ակցիա` «Փրկենք Ուրմիա լիճը» կարգախոսով:

Ինչպես տեղեկացնում են թուրքական ԶԼՄ-ները, նրանք հայտարարել են, որ Իրանի հյուսիս-արեւմուտքում գտնվող լճին ոչնչացում է սպառնում: Անդադար երաշտների հետեւանքով այն հետզհետե ծանծաղում է, մակերեսը կրճատվում է, եւ դա իր բացասական ազդցությունն է թողնում տարածաշրջանի կենդանական ու բուսական աշխարհի վրա:

Բնապահպաները համոզված են, որ Իրանի կառավարության` լիճը փրկելու ջանքերը բավարար չեն: Ակցիայի մասնակիցները կոչ են արել Թուրքիայի, Հայաստանի եւ Ադրբեջանի իշխանություններին` նույնպես միջոցներ ձեռնարկել Ուրմիան փրկելու ուղղությամբ, քանի որ լճի չորացումը բացասաբար կազդի նաեւ այդ երկրների բնապահպանական վիճակի վրա: