Ամր Մուսան մտադիր է Եգիպտոսի նախագահ դառնալ

Արաբական պետությունների լիգայի գլխավոր քարտուղար Ամր Մուսան պաշտոնապես հաստատել է, որ մտադիր է իր թեկնածությունն առաջադրել Եգիպտոսում սեպտեմբերին կայանալիք նախագահական ընտրություններին. տեղեկացնում է mignews.com-ը:

«Մրցավազքին» իմ մասնակցության հարցը դեռ վերջնականապես չի լուծվել, եւ ես չէի ցանկանա իրադարձություններից առաջ ընկնել: Հնարավոր է` իսկապես որոշեմ պայքարել նախագահական աթոռի համար»,- ասել է նա:

Եգիպտոսի Գերագույն խորհրդի նշանակած հատուկ հանձնախումբը երեկ հրապարակել է սահմանադրական փոփոխություններ կատարելու մասին որոշումը, որը հնարավորություն կընձեռի ընդլայնել նախագահի պաշտոնի համար պայքարողների ցուցակը:

Հիշեցնենք, որ Մուսան կավարտի պաշտոնավարումը ԱՊԼ-ում այս տարվա մարտին: Մինչ համարաբական միության գլխավոր քարտուղարի պաշտոնը ստանձնելը նա երկար տարիների գլխավորել է Եգիպտոսի արտգործնախարարությունը: