ԵԽԽՎ-ում իրենց անելիքները գիտեն

ՀՀ ԱԺ պետաիրավական հարցերի մշտական հանձնաժողովի նախագահ, ԵԽԽՎ-ում Հայաստանի պատվիրակության ղեկավար Դավիթ Հարությունյանն Ընտրական օրենսդրության երկօրյա համաժողովը շատ արդյունավետ է համարեց, սակայն տեղեկացրեց, որ հնչած մտքերի 90 տոկոսին ծանոթ էր, բայց կային մտքեր, որոնց անպայման պետք է անդրադառնալ:

Անդրադառնալով ընդդիմության հետ համաձայնության գալու մասին հարցին, Դավիթ Հարությունյանը հիշեցրեց, որ չնայած ընդդիմություն քննադատում է, որ իրենց հետ չի քննարկվել ներկայացված նախագիծը, սակայն 55 կետ վերցված է խորհրդարանական ընդդիմությունից:

Ընդդիմության կողմից առաջարկվող` ընտրություններից հետո ընտրացուցակների հրապարակման հարցին, Հարությունյանը պատասխանեց. «Վենետիկի հանձնաժողովը ևս գտնում է, որ ընտրություններից հետո ընտրացուցակների հրապարակումը ճիշտ մոդել չէ և խախտում է ընտրական իրավունքը»:

Անդրադառնալով ԵԽԽՎ նախագահ Մևլութ Չավուշօղլույի հարտարարությանը, թե իրենք կարևորում են ԵԽԽՎ-ում ԼՂ հարցով ենթահանձնաժողովի ստեղծումը` ԵԽԽՎ-ում Հայաստանի պատվիրակության նախագահը ասաց, որ իրենք համարում են, որ դա սխալ քայլ է և դրա մասին արդեն խոսել են Խորհրդարանական վերաժողովում: «Մենք դեմ ենք այդ հանձնաժողովի ստեղծմանը, բայց անգամ եթե ստեղծվի այն, մենք գիտենք մեր անելիքը»,– հարտարարեց Դավիթ Հարությունյանը, սակայն պավիրակության անելիքները չցանկացավ մանրամասնել։